नेपाली कांग्रेसका नेता प्रदीप गिरीको स्वास्थ्यमा गम्भीर समस्या देखिएको छ ।
भारतकाे मुम्बईस्थित हिन्दुजा अस्पतालमा उनको उपचार भइरहेको छ ।
घाँटीमा देखिएको समस्याको उपचार गर्न उनी भारतको मुम्बइ गएका हुन् ।
गिरीको उपचारमा चिकित्सक सुल्तान प्रधान नेतृत्वको टोली संलग्न छ ।
एक साताअघि स्वास्थ्यमा समस्या देखिएपछि गिरी उपचारका लागि मुम्बई गएका थिए ।
उनको स्वास्थ्यमा जटिल समस्या देखिएको जानकारी पाएपछि कांग्रेस उपसभापति विमलेन्द्र निधि बिहीबार मुम्बई जाँदैछन् ।
जनकपुरमा रहेका निधि आज बिहीबार भारतको दरभंगासम्म गाडीमा र त्यहाँबाट हवाई यात्रामार्फत मुम्बई जाने उनका प्रेस सल्लाहकार रामजी दाहालले बताए ।
उपचारका लागि मुम्बई जानुअघि गिरी र निधिबीच भेट भएको थियो ।