नेपालमा थप २,६७६ जनामा कोरोनाभाइरस सङ्क्रमण र ३३ जनाको मृत्यु भएको स्वास्थ्य तथा जनसङ्ख्या मन्त्रालयले जनाएको छ।
बिहीवार अपराह्ण प्रकाशित तथ्याङ्कअनुसार १२,७६८ जनाको परीक्षण गर्दा त्यति सङ्ख्यामा सङ्क्रमण पुष्टि भएको सरकारी तथ्याङ्क छ।
तीमध्ये ८९४ जनाको परीक्षण एन्टिजन विधिबाट र अरूको पीसीआर विधिबाट गरिएको हो।
कुल परीक्षणको झन्डै २१ प्रतिशतमा सङ्क्रमण देखिएको मन्त्रायलको तथ्याङ्कले देखाउँछ।
यससँगै नेपालमा सङ्क्रमितको कुल सङ्ख्या सात लाख नौ हजार नाघेको छ भने मृतकको सङ्ख्या ९,४६३ पुगेको छ।
चौबीस घण्टाको अवधिमा १,७५७ जना सङ्क्रमणमुक्त भएका छन्।
नेपालमा कोभिडका कारण १.५ प्रतिशत सङ्क्रमितको मृत्यु भएको छ।
मन्त्रालयको तथ्याङ्कअनुसार अहिले कुल २६,६०० जनाभन्दा केही बढीमा सक्रिय सङ्क्रमण छ। तीमध्ये २४,००० जना घरमा तथा २,६१४ जना संस्थागत आइसोलेशनमा छन्।